དགོན་པའི་དུས་དེབ།

བོད་རྒྱལ་ལོ་༢༡༥༣ ཟླ་༩ ཚེས་༣ དང་། སྤྱི་ལོ་༢༠༢༦ ཟླ་༡༠ ཚེས་༡༣ ཉིན། ༧ཀུན་མཁྱེན་འཇིགས་མེད་གླིང་པའི་འདས་མཆོད་དུས་ཆེན་བཟང་པོ་འདིའི་མཐུན་འབྲེལ་དུ། ཨོ་ཌི་ཤའི་༧སྐྱབས་རྗེ་བདུད་འཇོམས་རིན་པོ་ཆེའི་གདན་ས་ཆེན་པོ། སྔ་འགྱུར་བདུད་འདུལ་རབ་བརྟན་གླིང་དགོན་གྱི་རྩོམ་དེབ་༼ཐོ་ལེ་བ༽ཐེངས་བདུན་པའི་དབུ་འབྱེད་མཛད་སྒོ་ཡང་ལེགས་པར་གྲུབ་ཡོད་པས། རྩོམ་དེབ་འདིའི་སྦྱིན་བདག་ཝེཊ་ནམ་གྱི་དགེ་ཕྲུག་མེ་ཏོག་ལྷ་མཛེས་ལ། དགོན་པ་རང་ནས་ཐུགས་རྗེ་ཆེ་ཞུ་བ་དང་སྦྱར། ཚེ་རིང་ནད་མེད་བདེ་སྐྱིད་རྒྱུན་མི་འཆད་པར་འབྱུང་བའི་སྨོན་ཚིག་བཅས། དེ་རིང་གི་བརྙན་པར་འགའ་ཞིག་ཀྱང་སྤྱན་ལམ་དུ་འབུལ།