བདུད་འདུལ་རབ་བརྟན་གླིང་དགོན་པ།

ཕྱི་ལོ་ ༡༩༥༩ ལོའི་གོང་དུ་བོད་ལྗོངས་ཀོང་པོའི་ས་ཕྱོགས་སུ༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་མཆོག་གིས་རིག་འཛིན་དགའ་ཚལ་གླིང་དགོན་པ་ཕྱག་བཏབ། ཕྱི་ལོ་ ༡༩༥༩ ལོའི་དུས་འགྱུར་རྗེས་སུ། རིན་པོ་མཆོག་གིས་བཙན་བྱོལ་དུ་བསྟན་པ་རིན་པོ་ཆེ་ཉམས་རྒུད་དུ་མི་འགྲོ་བའི་ཆེད་དུ་ཛ་དྲག་གི་དགོས་མཁོ་གཟིགས་ཏེ

ཨོ་ཌི་ཤ་མངའ་སྡེ་གཞུང་གི་རོགས་སྐྱོར་དང་བོད་མི་སྒྲིག་འཛུགས་ཀྱི་ལམ་སྟོན་འོག ཁོང་གིས་ཨོ་ཌི་ཤའི་ནང་དུ་སྔ་འགྱུར་རྙིང་མའི་ཆོས་བརྒྱུད་ཀྱི་ཐོས་བསམ་སློབ་གཉེར་དང་ཉམས་ལེན་བྱ་ཡུལ་གྱི་གནས་མཆོག་བདུད་འདུལ་རབ་བརྟན་གླིང་དགོན་པ་ཕྱག་བཏབ།

དེང་སང་དགོན་པ་འདིའི་ནང་གྲྭ་གཞོན་རྣམས་གསོ་སྐྱོང་གིས་གནའ་བོའི་རིག་གཞུང་སྲུང་སྐྱོབ་བྱས་ཏེ་འབྱུང་འགྱུར་གྱི་མི་རབས་མང་པོའི་རིང་དུ་བརྟན་པོར་གནས་ཐུབ་པའི་འགན་ལེན་བྱས་ཡོད།